കാൻസർ!!!!

മുറിവേറ്റത് നിനക്ക്...
വേദന കൊണ്ട് പിടയുന്ന എന്നെ
മുറുകെപ്പിടിച്ച് ആശ്വസിപ്പിക്കുമ്പോൾ,
ഏത് ഭാവമായിരുന്നു നിനക്ക്....?

കാഴ്ച

ദൈവം ശ്രദ്ധിച്ചിരുന്നു...
ഇരുട്ടിനോടുള്ള എന്റെ സൗഹൃദത്തെ...
വ്യാഴവട്ടങ്ങൾ മാറി വന്നപ്പോൾ
പിന്നീടത്, തീവ്രതയേറിയ പ്രണയമായി മാറി...
വെളിച്ചമെന്നെ വേദനിപ്പിച്ചു വ്രണപ്പെടുത്തിയത് കണ്ടിട്ടാവണം..
ഒടുക്കം,
ദൈവമെന്നിലെ കാഴ്ചയെ മറച്ചു തന്നത് !!

മഴ!!

ഇടിമുഴക്കം ഭയപ്പാടുകൾ വരുത്തി
നിനച്ചിരുന്നെങ്കിലും,
മിന്നൽപ്പിണരുകൾ കൊള്ളിയാൻ വീശിയപ്പോൾ, ഞെട്ടലേറ്റു.
ഒടുവിലറിഞ്ഞു,
മഴയെന്നു കരുതിയ ആശ്വാസം,
മിഴിനീരൊഴുക്കായിരുന്നു...
മഴപ്പാടുകളേറ്റത് ഹൃത്തിനും.
എന്തിനെന്നറിയാതെ...ഇനിയും തോരാതെയീ... മഴ!!

കാലാവധി

Valid up to march 31 2016
ആദ്യമായി അവർക്ക് നൽകിയപ്പോൾത്തന്നെ
അവസാന തിയ്യതി കുറിച്ചിട്ട് കൊടുത്ത്
പടിയിറങ്ങിപ്പോവാൻ ഓർമ്മിപ്പിക്കുന്നത് കൊണ്ടാവണം,
ക്യാമ്പസ് തിരിച്ചറിയൽ കാർഡ് പലപ്പോഴും മേനിയിലണിഞ്ഞു കാണാത്തത്..
അവരുടെ നഷ്ടങ്ങളുടെ കണക്കിനേക്കാൾ വലുതാവില്ല
ഒരു ഫൈനും ഫീസും!!

ചിത..

എണ്ണയെ വെളിച്ചമായ് പ്രകാശിപ്പിച്ച്

പുകയായ് വായുവിലപ്രത്യക്ഷമാക്കുന്ന

വിളക്കിന്റെ ജാലവിദ്യ എങ്ങനെയാണാവോ....

അറിഞ്ഞിരുന്നെങ്കിൽ ഓർമ്മകളുമായി ഒന്നൊളിച്ചു കളിക്കാമായിരുന്നു...

മിഴിവിളക്ക് കൊണ്ട് മിഴിനീരിനെ പ്രകാശനാളമായ് ജ്വലിപ്പിച്ച്

പതിയെ പുകച്ചുരുളുകളായ് ഓർമ്മകളെ

അപ്രത്യക്ഷമാക്കാമായിരുന്നല്ലോ.....!!

രഹസ്യം..

ഒരു രഹസ്യം പറയട്ടെ..
പ്രകൃതി വിലക്കപ്പെട്ട കാര്യമായതിനാൽ പുറത്തറിയിക്കരുത്..
ഞങ്ങൾ തമ്മിലുള്ള അഗാധസ്നേഹത്തിന്റെയാഴം
നിങ്ങളറിയുമെന്നും..
ഒറ്റു കൊടുക്കുമെന്നുമുള്ള പേടിയാണ്
പരസ്പരം കാണുമ്പോൾ
ആജന്മ ശത്രുക്കളെപ്പോലെ പെരുമാറാൻ
ഞങ്ങളെ പ്രേരിപ്പിക്കുന്നത്...!
                          എന്ന്,
                              ‐കീരിയും പാമ്പും‐

തിര പിരിഞ്ഞു.... തിരി.....?

തിര പിരിഞ്ഞപ്പോൾ,
കരയ്ക്ക്,
ശേഷിച്ചതിൽപ്പാതി ആശ്വാസത്തിന്റെ കണക്കുണ്ടായിരുന്നു....
തിര കോറിയിട്ടു മാഞ്ഞ വിടമൊഴിയിൽ കര വായിച്ചെടുത്ത ബാക്കിപത്രം..
ആർത്തിരമ്പി തിരികെ വന്ന്
പ്രതീക്ഷയുടെ കണക്കുപുസ്തകത്തിൽ
സ്വയം തിരുത്തിയെഴുതുമെന്ന തിരയുടെ ഉറച്ച മൊഴി...

എന്നാൽ,
കടലോളം നോവു ബാക്കിവെക്കാനല്ലാതെ
സ്വയമൊന്ന് പ്രകാശിക്കാൻ പോലും കഴിവില്ലാത്ത
തിരിയുടെ കരിയലിലോ.......?
സ്വയം ആളിക്കത്തി തിരികെയെത്താൻ കഴിയാത്ത
ഈ പിരിയലിന് ആശ്വാസത്തിന്റെ കണക്കുണ്ടോ.....?

തിര പിരിഞ്ഞും.. തിരി കരിഞ്ഞും..
ഒടുവിൽ സ്വയം കരഞ്ഞും.....!!
                                                                                                                                                                    

Lavender...

Lavender has purposes upon me..
Perhaps, myself only..
Tiny, soft and gently decorated sprig  is miraculous to my eyes.
Piercing fragrance made forget my sob.
Moreover everything,
Can't stop loving the pale purple colour.
Alas..! I have to leave for a while..
Anyhow, hailed it as the queen flower of my heart's garden!

Droplets.....

Rain drops fall from the sky
Childhood teaches everyone...
No clouds are there on the sky to seen,
Then rain drops' origin is definitely 'sky'.....

Tear drops fall from the eyes
Not from the heart's emotional variations
Or appeals.....
No feelings could be there on the eye to seen,
Then tear drops' origin is definitely 'eye'......!

മൂന്ന് പ്രണയകവിതകൾ

    വ്യത്യാസം

നേർത്തു നേർത്തു ഞാൻ
നെല്ലിമരത്തോളം മെലിഞ്ഞു പോയി.
ആശ്വാസം.
വീർത്തു വീർത്തു വന്നത്
നിന്നോടുള്ള പ്രണയത്തിന്റെ
വീർപ്പുമുട്ടലുകളാണല്ലോ..!
             
               ******

    കളവ്

എന്റെ ഹൃദയവും കയ്യിലൊളിപ്പിച്ച്
കടന്നു കളഞ്ഞ നീ തന്നെയായിരുന്നു,
കളിക്കു മുമ്പ് ആദ്യം നിയമം ഉറപ്പിച്ചത്
ഒളിച്ചുകളിയിൽ കള്ളം പാടില്ലെന്ന്..!
               
               ******

    ഗാഢത

ചുംബനത്തിന്റെ വേരുകളാൽ നീ
ചുട്ടു പൊള്ളിച്ചു എന്റെ ഹൃദയം.
ചൂടിനോടുള്ള ഹൃദയത്തിന്റെ
പ്രണയം കൊണ്ടു മാത്രമാവണം
കരിച്ചു കളയാതെ ബാക്കി വെച്ചത്..!