മൂന്ന് പ്രണയകവിതകൾ

    വ്യത്യാസം

നേർത്തു നേർത്തു ഞാൻ
നെല്ലിമരത്തോളം മെലിഞ്ഞു പോയി.
ആശ്വാസം.
വീർത്തു വീർത്തു വന്നത്
നിന്നോടുള്ള പ്രണയത്തിന്റെ
വീർപ്പുമുട്ടലുകളാണല്ലോ..!
             
               ******

    കളവ്

എന്റെ ഹൃദയവും കയ്യിലൊളിപ്പിച്ച്
കടന്നു കളഞ്ഞ നീ തന്നെയായിരുന്നു,
കളിക്കു മുമ്പ് ആദ്യം നിയമം ഉറപ്പിച്ചത്
ഒളിച്ചുകളിയിൽ കള്ളം പാടില്ലെന്ന്..!
               
               ******

    ഗാഢത

ചുംബനത്തിന്റെ വേരുകളാൽ നീ
ചുട്ടു പൊള്ളിച്ചു എന്റെ ഹൃദയം.
ചൂടിനോടുള്ള ഹൃദയത്തിന്റെ
പ്രണയം കൊണ്ടു മാത്രമാവണം
കരിച്ചു കളയാതെ ബാക്കി വെച്ചത്..!