സ്മരണകളിൽ.....

ഇവിടം.. ചില കണ്ടെത്തലുകൾ..
ഓർമ്മപുസ്തകത്തിന്റെ ദ്രവിച്ചുപോയ താളുകളിൽ.. കോറിയിട്ടിരുന്ന എന്റെ പൂർവ്വകാല സ്മരണകളിൽ ചിലതാവാം അത്....
അന്ന് പലതും എനിക്ക് വിസ്മയങ്ങളായിരുന്നു..
മഞ്ചാടിക്കുരുവും മുല്ലമൊട്ടും..
മയിൽപ്പീലിക്കണ്ണും മാരിവില്ലും..
എന്റെ വിസ്മയങ്ങളിൽ ചിലത്..
എന്റെ ചിണുക്കങ്ങൾക്കും പാദസരക്കിലുക്കത്തിനും,
ഞാൻ കണ്ടെത്തിയത് ഒരേ കൊഞ്ചലായിരുന്നു...
എന്നാൽ, അനുഭവങ്ങളും ആയുസ്സും
എന്റെ നിഷ്കളങ്കത മറച്ചു തുടങ്ങിയപ്പോൾ,
എന്റെ വിസ്മയങ്ങൾ മറ്റൊന്നായി..
കാലമകന്ന വീഥിയിൽ എന്റെ ചിണുക്കങ്ങളും
കൊഞ്ചലുകളും സ്വപ്നം മാത്രമായ് മാറിയപ്പോൾ..
വീണ്ടും വീണ്ടും അവയെല്ലാം എന്നെ ഓർമ്മിപ്പിച്ചു
എല്ലാം ദൂരെ കൈയ്യെത്താപ്പൊക്കത്ത്
പൂത്തു നിൽക്കുന്ന മന്ദാരപ്പൂവാണെന്ന സത്യം!
ഇനിയൊരിക്കലും അവശിഷ്ടം പോലും
ചികഞ്ഞെടുക്കാൻ പറ്റാത്തത്രയും ഗാഢതയിൽ..
എന്നെ വിട്ടു പറന്നകന്ന എന്റെ സ്വപ്നങ്ങൾ..!
എന്റെ ബാല്യകാലസ്മരണകൾ..
ഇവിടം..ഞാൻ..നഷ്ട്ടപ്പെട്ടു പോയ പലതും പോലെ..
നിശബ്ദയായി...ഏകയായി....